Bel-oma radikuliti xəstəliyinin müalicəsi

Bel-oma radikuliti xəstəliyinin müalicəsi

Radikulit - fəqərəarası dəliyə daxil olan sinir köklərinin iltihabıdır. Güclü və dözülməz ağrı ilə özünü büruzə verən bu xəstəlik 95% hallarda osteoxondroz, qalan 5% hallarda isə travma, onurğa sütununun defarmasiyası və yırtıqları nəticəsində əmələ gəlir. Bu xəstəlik oturaq həyat tərzi sürən insanlarda və professional idmançılarda daha çox təsadüf edilir. Radikulitin boyun, boyun-çiyin, döş, bel-oma növləri ayırd edilir.

Boyun radikuliti zamanı boyunda ağrı yaranır və bu ağrı başın hərəkəti zamanı güclənir. Bəzən başgicəllənmə, eşitmənin zəifləməsi, müvazinət pozğunluqları da (səndələmə) müşahidə olunur.

Döş radikuliti zamanı döş qəfəsi və ürək nahiyyəsində yayılmış ağrılar olur.

Bel-oma radikuliti zamanı yeriyəndə və əyiləndə beldə güclü ağrılar yaranır.

Radikulitin əlamətlərinin biri də zədələnmiş sinir proyeksiyalarında hissiyyatın itməsidir. Həmçinin keyləşmə, əzələ zəifliyi, göynəmə, baş ağrısı, baş gicəllənmə, eşitmə-görmə zəifliyi hallar beyin-qan dövranı pozulması ilə əlaqədar yaranır.

Onurğanın aşağı hissələrinin radikuliti isə bağırsaqların və sidik kisəsinin funksiyalarında problemlərlə özünü biruzə verir.

Radikuliti başqa xəstəliklərdən aşağıdakı əlamətlərlə seçilir:

  • Ağrı qəflətən yaranır, öz-özünə keçə bilər lakin yenidən yarananda daha güclü olur.
  • Arxa üstə uzanmış insan ayağını düz qaldıranda ağrı artır.
  • Uzanmış vəziyyətdən oturaq vəziyyətə keçəndə ayaq reflektor qatlanır.
  • Asqırıq və öskürək zamanı kəskin ağrı, başı önə əydikdə ağrıların artması.
  • Hərəkətsiz vəziyyətdə ağrı azalır.Gecələr xəstənin şikayətləri artır.
  • Tərləmə, üzün avazıması.

Radikulitin səbəbləri

Radikulit 95% hallarda osteoxondroz, qalan 5% hallarda isə travma, onurğa sütununun defarmasiyası və yırtıqları nəticəsində əmələ gəlir. Müasir inlanların az hərəkətli həyat tərzi bu xəstəliyin cavanlaşmasına və artmasına səbəb olur.

Başqa hansı amillər radikulitin yaranmasına təsir edir:

  • Stress
  • İnfeksiyalar
  • Mübadilə pozğunluqları (artıq çəki)
  • Ağırlıq qaldırma

Hamilə xanımlarda çəkinin kəskin artması ilə əlaqədar yarana bilər. Düzgün qidalanmama da, həmçinin, Radikulitin yaranmasına səbəb ola bilər. Xüsusilə duzun artıq qəbulu buna səbəb ola bilər.

Radikulitin müalicəsi kompleks şəkildə aparılmalıdır.

  • Medikamentoz müalicə
  • Fizioterapiya
  • Manual terapiya
  • Müalicəvi idman

Həmçinin, radikulitin müalicəsində ev şəraitində Darıdağ müalicəvi duzu ilə qarışdırılmış su ilə vanna qəbul etmək yaxşı təsir edir.